भीष्म प्रकाशन बद्दल

शोध भारत का…. बातें भारत की…

भीष्म स्कूल ऑफ इंडीक स्टडीज या संस्थेचे अधिकृत प्रकाशन म्हणजे भीष्म प्रकाशन…! 

​

प्राचीन भारतातील ज्ञान, विज्ञान, साहित्य, संस्कृती, परंपरा, इतिहास, सभ्यता इ. भारतीय ज्ञान व्यवस्थांसंबंधी विविध विषयांवर अभ्यासपूर्वक संशोधनात्मक आणि संदर्भासहित पुस्तके प्रकाशित करणे हे भीष्म प्रकाशनाचे प्रमुख उद्दिष्ट आहे. भारताविषयीचे सुयोग्य आणि उदात्त कथन प्रस्थापित करणारे, सकारात्मक, बुद्धीला आणि विचारांना चालना देणारे प्रामाणिक साहित्य प्रकाशित करणे हे भीष्म प्रकाशनाचे कार्य आहे. याच बरोबर वर्तमान काळाबरोबर संलग्न भारत आणि संपूर्ण विश्व यांच्या संबंधी जिव्हाळ्याच्या आणि महत्त्वपूर्ण विषयांवरचे भाष्य प्रकाशित करणे आवश्यक आहे. वाचकांचे हित करते ते साहित्य… केवळ करमणूक करणारे, वेळ घालवण्यासाठी, बुद्धी भेद करणारे, गोंधळ उडवणारे असे विषय टाळून कृती प्रवण करणारे, प्रेरणादायी, सुस्पष्ट भाष्य करणारे लेखन प्रकाशित केले जाणे आवश्यक आहे. आज भारत जगामध्ये युवा देश म्हणून प्रसिद्ध आहे. विविध माध्यमांच्या सुळसुळाटाने युवक अनेकदा भ्रमित होऊन जातात असे दिसते. त्यांना दिशा देणारे, त्यांना जीवनमूल्यांविषयी, आदर्शांविषयी, जीवनाचे नियोजन करण्यासाठी, यशस्वी जीवन जगण्यासाठी मार्गदर्शन करणारी पुस्तके प्रकाशित करावयाचे भीष्म प्रकाशनाने ठरवले आहेत. मराठी, हिंदी, आणि इंग्रजी या तिन्ही भाषांमध्ये भीष्म प्रकाशन पुस्तके प्रकाशित करणार आहे.

​

प्रा. क्षितिज पाटुकले भीष्म प्रकाशनाचे प्रमुख मार्गदर्शक असून प्रा. अनिकेत पाटील हे व्यवस्थापकीय संचालक आहेत. विविध विषयांवरील मान्यवर तज्ञ, विद्वान आणि विचारवंत अशा मार्गदर्शकांचे समूह भीष्म प्रकाशनासाठी पुस्तक निवड, संपादन, मांडणी, प्रकाशन प्रक्रिया आणि वितरण यासाठी सहाय्य करीत आहेत. वाचकांनीही भीष्म प्रकाशनासाठी थेट पुस्तक विषय सुचविता येतील. ते वाचकांच्या प्रतिक्रियांसाठी सुविधा उपलब्ध करून देण्यात आली आहे.